Paxula – Iratiko Etxolak

Ibilbide honek Nafarroa Garaira iristeko parada emanen digu, Iratiko Etxoletaraino, Errekaidorreko zaldainean barna. Ibilbidea, halaber, arras egokia da Iratiko Etxoletatik Elurretako Ama Birjinaren Ermitaraino joateko. Kasu itzulerari! Ibilbidea ez baita zirkularra, ez baita abialekuan bukatzen.

Aparkalekuaren azpian, pista txiki bat dago. Errekan beheiti jaitsi eta Errekaidorreko zaldaineraino iristen da. Zaldaina zeharkatu eta eskuineko pista handi baterantz igoko gara, Iratiko Etxoletaraino iristeko. Bide beretik itzuliko gara.