Okabe

Euskal Herriko nekropolirik handiena Okaben dago. Mendi misteriotsua da, Iratiko oihanaren bihotzean kokatua. Irati Europako pagadirik handienetako bat da. Harrespilak harri zirkulu erliebedunak dira, gizakia duela milaka urte hantxe bizi izanaren erakusgarri. Harrespila edo mairu-baratzea monumentu megalitiko bat da, zutik paratutako harri (iruinarria) lerrokadura batek osatua, eta harri barruti erliebedun bat eratzen dute; zirkularra, gehienbat. Zenbaitetan, erdigunean iruinarri bat dago. Harrespil hauek Euskal Herriko garrantzitsuenetakoak dira.