Ezagutu berriro Irati eta haren erakargarri berriak, eta jarraitu gomendio hauei covi-19an

Ekainaren 21ean, Igandea, berriro irekiko dira Espainiaren eta Frantziaren arteko mugak, eta Iratiko altxorrez gozatu ahal izango dira berriro naturaren maitaleak.

Iratiko Etxeen informazio-gunea asteburuetan irekita dago, baita jatetxea ere (10:00etatik 18:00etara, casasdeirati@valledesalazar.com). Irati-Abodi Mendi Gunetik ere sar daiteke Iratira. Taberna 10:00etatik 18:00etara dago irekita, eta terraza aukera ona da egarria lasaitzeko edo ogitartekoa edo errazioren bat jateko.

Irati pixkanaka irekitzen ari da segurtasun-arrazoiengatik. Egurgioko eta Azpegiko (Aezkoa) aterpetxeak itxita daude bisitarientzat. Oraingoz, Arrazola eremua (informazio gunea eta komunak) eta Orbaitzetako Udalaren kanpatzeko eremua ere itxita daude. Ezin da auto karabana, furgoneta edo autobusik sartu.

Ekainean inauguratu da Garazin (Plateau de Cize) Etxola gunea. Garaziko artzaintza transhumantea ezagutzeko gunea da, 10:00etatik 18:00etara irekia, eta erakusketa, ardi-gaztaren salmenta eta jatetxea ditu. Informazioa 09 19 88 12 37 edo etxola.cize@orange.fr.

Chalets d’Iraty (+33 5 59 28 29 e info@chalets-iraty.com) eta jatetxea (erreserbak eta informazioa +33 5 28 59 86 telefonoan), biak Zuberoan, zabalik daude. Jatetxean ere janaria eska daiteke eramateko. Jatetxea: egunero zabalik, astelehenetan izan ezik (asteko atsedenaldia).

Gomendioak

Bisitarien segurtasuna bermatzeko eta ingurumena errespetatzeko, ibilbidea aldez aurretik prestatzea eta, irten aurretik, bisitaren inguruan zer zerbitzu eta instalazio dauden erabilgarri informatzea gomendatzen da. Begiratoki, askaldegi eta abarretako edukiera eta urruntze-neurriak ere errespetatu beharko dira; segurtasun-tartea mantendu beharko da; eta edaria prestatuta eramatea gomendatzen da, ez baita gomendatzen ur-iturriak erabiltzea eta hondakinak bildu eta erabilera komuneko paperontzi eta edukiontzietan uztea.